شباب بارك الله فيكم الفترة دي بنعمل سلسلة مقاطع عن الحجاب إن شاء الله تتجمع في قائمة تشغيل وتكون مناسبة ومرجع للأخوات بعد كده، متستغربوش إن المقاطع كلها عن موضوع واحد يعني ولو في أسئلة معينة أو حاجة حابين نعمل لها فيديو اكتبوا في التعليقات إن شاء الله تتعمل… ودعواتكم بالتيسير…

عارف يا باشمُهندس من ثمار ثغرك في الدعوة من 7 سنين كنت عادية بلبس طرحة و بنطلون و بالصدفة بقلب في يوتيوب لقيت ڤيديو "العلاقة بين الولاد و البنات " و رغم ان عمري ما كان ليا علاقة بأي ولد إلا ان ربنا هداني لسماع الڤيديو و اسلوبك و بساطة الشرح مع قوة المعاني خلتني أقول " أنا كويسة الحمدلله بس فيه حاجة ناقصة" وقتها قررت أبدأ ! و بدايتي كانت متابعة الڤيديوهات فهمت اني اصلي الفجر في ميعاده زي باقي الصلوات و فيديو الثبات لأصحاب الكهف و ابتديت اكلم صحابي و غيرت لبسي و اتعلمت و بتعلم و اتعلمت السيرة النبوية مرتين و بقيت مُعلمة سيرة و حديث الأربعين النووية بسبب ڤيديو واحد و حالياً بسمع ڤيديو الحجاب و بحمد ربنا على نعمة الستر و التوفيق للحجاب رغم اني لبسه و عارفة ان شكلي فيه مش افضل حاجة "دا الهدف" و مش حباه لكن فرض و ربنا أمرني بكدا و كل المشاعر دي راحت و بقيت بحب الحجاب جداً و ١٤ بنت اعرفهم لبسوه بسببي اللهم لك الحمد و لما في فترة كسلت عن حفظ القرآن شُفت حلقة وعي أصحاب الأخدود كلمت المُعلمة نرجع نحفظ تاني و لما من فترة كان عندي فتور عبادة بدون شعور و كان أملي بس أرجع شعور الخشوع دورت على ڤيديوهات قديمة شُفتها رجعت لشعور أيام الالتزام الأولى وفهمت ان تشتت القلب بسبب ملهيات الدنيا و عرفت العلاج بقول سُبحان من فتح عليك في أمر الدعوة لدينه عز و جل انت في ثغر للأمة قوي الله يثبتك و يهديك سبيل الهداية اللهم تقبل .. جزاك الله خير

ممكن فيديو عن فضل النقاب ياريت فى اقرب وقت جزاكم الله خيرا

والله بعد ما سمعت الفيد طلعت و دخلت ع تطبيق الموسيقى و مسحت الأغاني و كانوا يتعدوا ع الأصابع جزاك الله عنا كل خير ي بشمهندس اللهم يا مُقلب القلوب ثبت قلبي على دينك تعديل* مع إن الفيد ملوش علاقة بالاغاني لكن يشمل الذنب

الفيديو دة جايلى ياشيخ شريف والله ودة اللى فى دماغى فعلا هجاهد فى نفسى على قد مقدر ان شاءالله يارب مموتش الا قبل ملبسة دعواتكم لينا بالهداية😢

متنسوش غض البصر يبنات افتحى الكومنتس او اسمعى بس من غير ما تبصي

أفكار لسلسلة الحجاب دي ربنا ينفع بها يا رب: - ممكن تعمل فيديو توضح فيه مواصفات الحجاب الشرعي (وستايلاته) المختلفة انه يعني مش بيتقيد بشكل واحد عشان في بنات بتبقى مش حابة الاستايل بسمت معين لانه بيربط عندها بمشاعر وأفكار قفيلة عن نماذج معينة شافتها سلبية مثلا او خايفة من رد فعل المجتمع الي بقى بيسخف على الي بيحاول يلتزم فده يعوقها تاخد الخطوة يعني مثلا في بنات تقولهم الخمار ما يقبلوش لانه مرتبط في ذهنهم بنموذج معين.. تقولهم طرحة طويلة يقولوا اه ده ماشي.. وبتفرق فعلا خصوصا وسط المجتمع الي بيسخف ربنا يهديه ويهدنا ويهد بنا فالمهم محتاجين من حضرتك فيديو توضح فيه شروط الحجاب وتنبه على حتة الاستايل دي انه مش محصور في نوع واحد ولا لون ولا كده - وكمان موضوع التبرج، تعمل فيديوهات ضمن السلسلة تشرح فيها التبرج والأحاديث المرعبة الواردة فيه.. الترهيب مهم جدا بس عايز حد يوصله بأسلوب مناسب متوازن حكيم بحيث يشجع مش ينفر - ويا ريت حلقة تعرفونا بيها احنا البنات ازاي نساعد البنات تلتزم بالحجاب ازاي ندعوهم له والأسلوب والأفكار، وممكن تنزل قبلها منشور ولو بنات لها تجربة تشاركها وتاخد منها أفكار وتعمل فيديو وجزاك الله خيرا كثيرا حقيقي ده أمر محتاجينه جدا جدا وياريت تعموا حلقة في وعي تاني عن الحجاب وما تنسوش الموضوع ده كلكم عامة يا ريت وربنا يبارك يا رب وينفع بك ويستعملنا يا رب

اكثر شخص يعطينا وقت عن الحجاب جزاك الله خيرا ❤

يا شيخ عاوزينك تعمل فيديو مواصفات الحجاب الشرعي مع شرح كل صفه بالتفصيل علشان مفهمنش كل شيخ بيشرح بطريقه مختلفه، هنمشي علي شرحك انت وجزاك الله خير .

ادعولي اهلي يوافقوا اني البس النقاب عاجلاً ويقوي عزيمتي